ضلع سنبھل کے علاقے گنور کوتوالی کے ببرالہ میں واقع تشخیصی مرکز میں خاتون کے قتل کا انکشاف پولیس نے کیا ہے۔
پولیس نے بتایا کہ اشوک کمار رانا نامی شخص پہلے چاند پور بجنور میں ایک ڈائگنوسٹک سینٹر میں خاتون کے ساتھ کام کرتا تھا۔
کئی مہینے کام کرنے کے بعد دونوں نے سنبھل میں مل کر ایک تشخیصی مر کز کھولا، اور ساتھ کام کرنے لگے۔ پولیس نے بتایا کہ اس دوران دونوں کے ناجائز تعلقات بھی بنے۔
وہیں چند مہینے بعد اشوک نے ساتھی خاتون کی کسی شخص کے ساتھ شادی کردی۔ خاتون کے شوہر اور اشوک کے درمیان خاتون کو لے کر جھگڑا ہونا شروع ہوگیا۔
معاملے کو دیکھتے ہوئے اشوک نے خاتون کو راستے سے ہٹانے کے لیے اپنے سالے کے ساتھ مل کر اس کا ڈرامائی طریقے سے قتل کر دیا۔
پولیس نے جب تفتیش کی تو پتہ چلا کہ ان سب کے پیچھے اشوک کا ہی ہاتھ ہے۔
فی الحال پولیس نے اشوک سمیت چار افراد کو گرفتار کر لیا ہے، باقی دو افراد کی تلاش جاری ہے۔
