ریاست اتر پردیش کے مرادآباد کی بھارتیہ جنتا پارٹی سے ضلع پنچایت صدر ڈاکٹر شیفالی سنگھ نے ایک انٹرویو کے دوران کہا تھا کہ شکشا متروں کو فیوچر نیچر نہ بولنا آتا نہ لکھنا آتا انہیں آپ باگ ڈور دے رہے ہیں۔ ڈاکٹر شیفالی سنگھ کے اس متنازعہ بیان کے بعد شکشا متروں میں کافی غصّہ ہے۔
شکشا متروں کی حمایت میں سماجوادی پارٹی یووا جن سبھا کے عہدیدار و کارکنان نے ڈاکٹر شیفالی سنگھ کے مکان کے سامنے زمین پر بیٹھ کر احتجاج کیا۔
سماجوادی پارٹی یووا جن سبھا کے مہا نگر صدر اکشے بھٹناگر نے میڈیا سے بات چیت کرتے ہوئے کہا کہ ڈاکٹر شیفالی سنگھ کو شکشا متروں سے معافی مانگنی چاہیے۔
احتجاج کے دوران سبھی کارکن اور عہدیدار ڈاکٹر شیفالی سے ملنا چاہتے تھے اور انہیں پھول دےکر ان کے اس متنازعہ بیان کی مخالفت جتانا چاہتے تھے۔ اکشے بھٹناگر نے مزید کہا کہ ڈاکٹر شیفالی سنگھ نے شکشا متروں سے معافی نہیں مانگی تو سماجوادی پارٹی ایک بڑا احتجاج کرے گی۔
