سیاسی پارٹیوں کے سامنے صحافیوں کے مسائل کو رکھا جائے گا: تیج بہادر

اتر پردیش ورکنگ جرنلسٹ یونین کے صدر تیج بہادر سنگھ نے کہا کہ سیاسی پارٹیوں کے سامنے یہ بات رکھی جائے گی کہ وہ اپنے منشور میں صحافیوں کے مسائل کے حل کے لئے بھی منصوبہ پیش کریں۔

مرادآباد: اتر پردیش ورکنگ جرنلسٹ یونین کے صوبائی صدر تیج بہادر سنگھ مرادآباد پہنچے اور مرادآباد یونٹ سے خاص ملاقات کی۔

مرادآباد کے ایک ہوٹل میں ہوئی بات چیت کے دوران موجود سبھی صحافیوں نے اپنی الگ الگ پریشانیوں کو ان کے سامنے پیش کیا، جس پر صوبائی صدر تیج بہادر سنگھ نے صحافیوں کی پریشانیوں کو حکومت کے سامنے رکھنے کی بات کی۔

اتر پردیش کے صوبائی صدر نے میڈیا سے بات چیت کرتے ہوئے کہا کہ اتر پردیش اسمبلی انتخابات قریب ہے اور سبھی سیاسی پارٹیوں سے کہا جائےگا کہ سبھی سیاسی پارٹیاں اپنے چناوی ایجنڈے میں صحافیوں کے تحفظ کے متعلق قانون کو شامل کریں۔

ملک کے کئی صوبوں میں صحافی پینشن منصوبہ چلایا جا رہا ہے۔ اسی کی طرز پر اتر پردیش میں بھی صحافی پینشن منصوبہ چلایا جائے۔