ہر برس کی طرح اس برس بھی مرادآباد پولیس نے ہولی کے تہوار کو امن کے ساتھ کرانے کے بعد آج ہولی کا جشن خوب دھوم دھام سے منایا کیونکہ ہولی کے دوسرے دن پولیس کی ہولی ہوتی ہے۔
پولیس اہلکاروں نے ہولی کا تہوار خوب دھوم دھام سے منایا
ریزرو پولیس لائن میں ہولی منانے کا کافی اچھا انتظام کیا گیا تھا جہاں ایس پی سٹی امت آنند اور اے ایس پی ’دیپک بھوکر‘ نے متعدد رنگوں کے ساتھ ہولی منائی اور ساتھ میں رقص بھی کیا۔
تمام پولیس اہلکاروں نے اس موقع پر ایک دوسرے کو مبارک باد بھی پیش کی۔
اس موقع پر آئی جی رمیت شرمہ نے تمام افسران کی جانب سے مبارک باد قبول کی اور بذات خود مبارک بادی بھی پیش کی وہیں خواتین تھانہ میں بھی پولیس اہلکاروں نے ڈھول نگاڑو پر رقص کیا اور ایک دوسرے کو رنگ لگاکر مبارکباد پیش کی۔
