امروہہ: گھروں میں ہی محرم الحرام کا ماتم

محرم الحرام میں عزاداری کے لیے دنیا بھر سے شیعہ مسلمان امروہہ آتے ہیں اور حضرت امام حسین کی یاد میں ماتم کرتے ہیں، لیکن اس بار کورونا وائرس کی وجہ سے صرف گھروں میں ہی غم حسین کا اہتمام کیا جا رہاہے۔

ریاست اتر پردیش کے ضلع امروہہ میں ہر برس ماہ محرم الحرام پر نکلنے والےجلوس کو پورے بھارت میں ایک الگ مقام حاصل ہے۔

رواں برس کورونا وائرس وبا اور لاک ڈاؤن کے سبب محرم الحرام کاجلوس نہیں نکلا گیا ہے۔ بلکہ ریاستی حکومت کی گائیڈ لائن کے مطابق گھروں میں ہی عزاداری اور ماتمی مجالس کا اہتمام کیا جا رہا ہے۔

عزادار ابوالحسنین نقوی نے بتایا کہ' امروہہ میں تین محرم سے دس محرم تک امام بارگاہوں سے جلوس نکالے جاتے تھے جن میں روشن چوکیاں اور علم شامل رہتے تھے لیکن اس بار گھروں میں ہی ماتم اور ذکر کیا جا رہا ہے، کیونکہ کورونا وبا کے پیش نظر اپنی جان کی حفاظت بھی ضروری ہے۔