مراد آباد: کانگریس پارٹی ہی ملک کو ترقی کی راہ پرلے جاسکتی ہے، راشد علوی

مراد آباد میں پریس کانفرنس سے خطاب کرتے ہوئے کانگریس پارٹی کے رہنما راشد علوی نے کہا کہ پرتگّیا یاترا کا مقصد عوام کو اس سے باخبر کرانا ہے کہ بی جے پی کے دور اقتدار میں ریاست کی صورحال ابتر ہوچکی ہے اور کانگریس پارٹی ہی ریاست کی ترقی اور عوام کے فلاح و بہبود کے لئے پُرعزم ہے۔

ریاست اتر پردیش میں چند ماہ بعد ہونے والے اسمبلی انتخابات کے پیش نظر تمام تر سیا سی جماعتیں عوام کے درمیان جاکر اپنے مقاصد اور سیاسی عزائم سے واقف کرانے کی کوششوں میں مصروف ہیں۔

اسی سلسلے کے ہیش نظر گذشتہ 23 اکتوبر کو کانگریس پارٹی کی جنرل سکریٹری پرینکا گاندھی نے ریاست کے ضلع بارہ بنکی سے پرتیگیا یاترا کا آغاز کیا تھا۔ جو ریاست کے مختلف اضلاع سے ہوتے ہوئے مراد پہنچی۔ اس یاترا میں پارٹی کے سینئر رہنماراشد علوی اور ظفر علی نقوی سمیت پارٹی دیگر کئی رہنما اور کارکنان شامل تھے۔

مراد آباد میں پریس کانفرنس سے خطاب کرتے ہوئے کانگریس پارٹی کے رہنما راشد علوی نے کہا کہ پرتگّیا یاترا کا مقصد عوام کو اس سے باخبر کرانا ہے کہ بی جے پی کے دور اقتدار میں ریاست کی صورحال ابتر ہوچکی ہے اور کانگریس پارٹی ہی ریاست کی ترقی اور عوام کے فلاح بہبود کے کے لئے پُر عزم ہے۔

انہوں نے کہا کہ آج ہر شخص مہنگائی، بے روزگاری، پٹرول ڈیزل اور گیس کی بڑھتی قیمتوں سے پریشان ہے۔ تعلیم کا معیار گر چکا ہے۔ کسانوں کو صحیح منافع نہیں مل رہا ہے۔ خواتین اور لڑکیاں محفوظ نہیں ہیں۔ ریاست کی بی جے پی حکومت ہر محاظ پر ناکام ہوچکی ہے۔

راشد علوی نے مزید کہا کہ ملک کی جن ریاستوں میں بی جے پی کی حکومت ہے وہاں کی صورتحال ابترہے۔ اور اس صورحال سے صرف کانگریس پارٹی ہی ملک اور ریاست کو باہر نکال کر ترقی کے شاہراہ پر گامزن کر سکتی ہے۔