مرادآباد: آگ لگنے سے گھر کا سامان خاک

گھر کی مالکن افشاء نے بتایا کہ گھر میں رکھے سامان کے ساتھ تقریبا پندرہ ہزار روپے بھی جل گئے۔

ریاست اتر پردیش کے مرادآباد ایم ڈی اے کالونی کے آج ایک گھر میں اچانک آگ لگ جانے سے پورے گھر کا سامان جل کر خاک ہو گیا۔ مقامی لوگ اور گھر والوں کے مطابق گیس سلینڈر لیک ہونے سے لگی آگ سے گھر کا سارا سامان جل گیا۔

گھر کی مالکن افشاء نے بتایا کہ گھر میں رکھے سامان کے ساتھ تقریبا پندرہ ہزار روپے بھی جل گئے۔ آگ لگنے پر کالونی کے آس پاس کے لوگوں نے ہی آگ بجھائی۔ موقع پر فائر برگیڈئیر پہنچی لیکن تب تک بہت دیر ہو چکی۔

مکان مالک افشاء کا شوہر پھلوں کا ٹھیلا لگا کر اپنے اہل خانہ کا پیٹ بھرتا ہے۔ مکان مالک کا مطالبہ ہے کہ ضلع انتظامہ ان کو معاوضہ دے۔