ریاست اترپردیش کے ضلع میرٹھ میں آج 'دیویانگ جن کلیان سمیتی' کی جانب سے چینئی میں منعقد ہونے والی 19ویں اتھلیٹکس چیمپین شپ کے لیے منتخب کیے گئے میرٹھ کے معذور کھلاڑیوں کو آنے جانے کی سہولیات فراہم کرانے کے لیے ان کھلاڑیوں نے میرٹھ ڈی ایم سے ملاقات کر مطالبہ پیش کیا۔
خیال رہے کہ 23 مارچ سے 27 مارچ تک چینئی میں منعقدہ ہونے والی ایتھلیٹکس چیمپئن شپ کے لیے میرٹھ سے منتخب کیے گئے معذور کھلاڑیوں کو آنے جانے کی سہولت فراہم کرانے کے لیے ان کھلاڑیوں نے میرٹھ ڈی ایم سے ملاقات کرکے فریاد لگائی ہے۔
ان کا کہنا ہے کہ معذور کھلاڑیوں کو ریلوے سفر میں دشواری کے سبب ان کھلاڑیوں کو ہوائی جہاز سے مفت سفر پر بھیجنے کی کا انتظام کیا جائے تاکہ یہ کھلاڑی بغیر کسی تھکان کے اپنے کھیل میں اچھا سے مظاہرہ کرسکیں۔
واضح رہے کہ میرٹھ کے ان کھلاڑیوں نے غازی آباد میں منعقد ہوئے کھیلوں میں اپنی بہتر کارکردگی کی بنا پر چینئی کے کھیلوں کا ٹکٹ حاصل کیا ہے۔
ایسے کھلاڑیوں کو سرکاری امداد سے ان کے لیے سہولت دی جائے تاکہ یہ معذور کھلاڑی اپنے عمدہ کھیل کا مظاہرہ کرکے ملک کے لیے میڈل حاصل کرسکیں۔
