واضح رہے کہ اترپردیش کے سابق وزیراعلی اکھلیش یادو کے ڈریم پروجیکٹ یعنی حج ہاؤس کو ہنڈن ندی کے کنارے بنایا گیا تھا لیکن نیشنل گرین ٹریبونل نے حج ہاؤس میں سیوریج ٹریٹمینٹ پلانٹ نہیں ہونے کی وجہ سے اسے مقفل کر دیا تھا لیکن این جی ٹی نے دو روز پہلے ہی حج ہاؤس کو دوبارہ کھولنے کا حکم جاری کر دیا ہے۔
اطلاعات کے مطابق این جی ٹی میں کسی نے عرضی داخل کی تھی کہ یہاں سیوریج کی سہولیات مہیا نہیں کرائی گئی ہے جس کی وجہ سے یہاں سے نکلنے والا آلودہ پانی ندی میں جانے سے ندی کا پانی بھی گندہ ہونے کا خدشہ ہے۔
حج ہاؤس پر پابندی لگانے کی وجہ سے اس کی حالت بہت خستہ ہوگئی ہے لیکن اب پابندی ختم کرنے کے بعد حج ہاؤس کی حالت کو بہتر کیا جا سکتا ہے اور اسے جلد از جلد عازمین حج کے لیے کھولا جاسکتا ہے۔
این جی ٹی نے آلودگی کنٹرول بورڈ کو نظر رکھنے کی ہدایت دی ہے کہ وہ یہا ں سیوریج ٹریٹمینٹ پلانٹ لگائے۔