ممبئی: ملک کے عظیم صنعت کار رتن ٹاٹا اس دنیا میں نہیں رہے۔ پدم بھوشن اور پدم وبھوشن سے نوازے گئے رتن ٹاٹا کا کل رات ممبئی کے ایک نجی ہسپتال میں انتقال ہو گیا۔ ان کے انتقال پر وزیر اعظم نریندر مودی سمیت کئی بڑے لیڈروں نے ان کے انتقال پر غم کا اظہار کیا۔
سرکاری اعزاز کے ساتھ آخری رسومات
مہاراشٹر کے وزیر اعلی ایکناتھ شندے نے جمعرات کی رات اعلان کیا کہ صنعتکار رتن ٹاٹا کی آخری رسومات پورے سرکاری اعزاز کے ساتھ ادا کی جائیں گی۔ سی ایم شندے نے کہا کہ ٹاٹا کا جسد خاکی عوامی دیدار کے لیے جمعرات کو صبح 10 بجے سے شام 4 بجے تک این سی پی اے میں رکھا جائے گا۔
صنعتکار رتن ٹاٹا کا جسد خاکی کو جمعرات کی صبح کولابا میں واقع ان کی رہائش گاہ پر لایا گیا۔ رتن ٹاٹا کی موت کے بعد مہاراشٹر حکومت نے جمعرات کو ممبئی میں ہونے والے تمام پروگرام منسوخ کر دیے۔ مہاراشٹر کے وزیر دیپک کیسرکر نے ممبئی میں صحافیوں سے بات کرتے ہوئے کہا کہ صنعتکار رتن ٹاٹا کے انتقال کی وجہ سے جمعرات کو ممبئی میں ریاستی حکومت کے تمام پروگرام منسوخ کر دیے گئے ہیں۔
پی ایم مودی کا اظہار افسوس
ٹاٹا سنز کے اعزازی چیئرمین رتن ٹاٹا کا بدھ کی شام ممبئی کے بریچ کینڈی ہسپتال میں انتقال ہو گیا۔ وزیر اعظم نریندر مودی نے ایکس پر ایک پوسٹ میں ان کے انتقال پر تعزیت کا اظہار کرتے ہوئے لکھا کہ شری رتن ٹاٹا جی ایک صاحب بصیرت کاروباری لیڈر، ایک ہمدرد اور غیر معمولی انسان تھے۔ انہوں نے ہندوستان کے سب سے پرانے اور سب سے معزز کاروباری گھرانوں میں سے ایک کو مستحکم قیادت فراہم کی۔ انہوں نے اپنی عاجزی، مہربانی اور ہمارے معاشرے کو بہتر بنانے کے لیے غیر متزلزل عزم کی بدولت خود کو لوگوں کے شکریے کا حقدار بنایا۔
Shri Ratan Tata Ji was a visionary business leader, a compassionate soul and an extraordinary human being. He provided stable leadership to one of India’s oldest and most prestigious business houses. At the same time, his contribution went far beyond the boardroom. He endeared… pic.twitter.com/p5NPcpBbBD
— Narendra Modi (@narendramodi) October 9, 2024
راہل گاندھی کی تعزیت
وہیں کانگریس کے سابق صدر راہل گاندھی نے رتن ٹاٹا کے انتقال پر تعزیت کا اظہار کرتے ہوئے ایک ٹویٹ میں انہیں ایک صاحب بصیرت شخص قرار دیا۔ راہل گاندھی نے لکھا کہ ''انہوں (رتن ٹاٹا) نے کاروبار اور انسان دوستی دونوں پر ایک مستقل نشان چھوڑا ہے۔ ان کے خاندان اور ٹاٹا برادری سے میری تعزیت۔''
Ratan Tata was a man with a vision. He has left a lasting mark on both business and philanthropy.
— Rahul Gandhi (@RahulGandhi) October 9, 2024
My condolences to his family and the Tata community.
امت شاہ کا تعزیتی پیغام
قبل ازیں مرکزی وزراء امت شاہ، جے پی نڈا، نتن گڈکری اور پیوش گوئل نے بھی رتن ٹاٹا کے انتقال پر غم کا افسوس کیا۔ ایکس پر ایک پوسٹ میں، امیت شاہ نے کہا کہ وہ عظیم صنعت کار اور سچے قوم پرست، شری رتن ٹاٹا جی کے انتقال سے بہت افسردہ ہیں۔
Deeply saddened by the demise of legendary industrialist and true nationalist, Shri Ratan Tata Ji.
— Amit Shah (@AmitShah) October 9, 2024
He selflessly dedicated his life to the development of our nation. Every time I met him, his zeal and commitment to the betterment of Bharat and its people amazed me. His commitment… pic.twitter.com/TJOp8skXCo
ایکناتھ شندے کا رد عمل
مہاراشٹر کے وزیر اعلیٰ شندے نے ایکس پر اپنی تعزیت میں لکھا کہ 2008 کے ممبئی حملوں کے بعد ان کی طرف سے دکھائے گئے عزم کو ہر کوئی ہمیشہ یاد رکھے گا۔ وزیراعلیٰ نے کہا کہ ان کے مضبوط فیصلے، جرات مندانہ رویہ اور سماجی وابستگی کو ہمیشہ یاد رکھا جائے گا۔ آنجہانی رتن جی ٹاٹا کی آخری رسومات پورے سرکاری اعزاز کے ساتھ ادا کی جائیں گی۔
खो गया देश का अनमोल रत्न
— Eknath Shinde - एकनाथ शिंदे (@mieknathshinde) October 9, 2024
रतनजी टाटा नैतिकता और उद्यमशीलता के अपूर्व और आदर्श संगम थे.लगभग 150 वर्षों की उत्कृष्टता और अखंडता की परंपरा वाले टाटा ग्रुप की कमान सफलतापूर्वक संभालने वाले रतनजी टाटा एक जीवित किवदंती थे.उन्होंने समय-समय पर जिस निर्णय क्षमता और मानसिक दृढ़ता का परिचय… https://t.co/u6MdkdheCC
مہاراشٹر کے نائب وزیر اعلیٰ دیویندر فڑنویس نے کہا کہ رتن ٹاٹا کا انتقال ملک کے لیے ایک بڑا نقصان ہے۔ فڑنویس نے نامہ نگاروں کو بتایا کہ رتن ٹاٹا نہ صرف ایک بہت کامیاب صنعت کار تھے بلکہ انہوں نے ملک اور سماج کے لئے جس طرح سے کام کیا اس کی وجہ سے وہ ایک عظیم شخصیت بھی تھے۔ انہوں نے نہ صرف کامیاب صنعتیں قائم کیں بلکہ ایک ٹرسٹ، ایک برانڈ بھی قائم کیا، جس نے ہمارے ملک کو عالمی امیج دیا۔ ایک بہت بڑے دل والے شخص کا آج ہمارے بیچ سے چلے جانا ملک کے لیے بہت بڑا نقصان ہے۔
ہم آپ کو بتاتے ہیں کہ 86 سالہ صنعتکار رتن ٹاٹا کو اس ہفتے کے شروع میں ممبئی کے بریچ کینڈی اسپتال میں عمر کی خرابی کی وجہ سے داخل کرایا گیا تھا۔ انہیں معمول کے میڈیکل چیک اپ کے لیے اسپتال میں داخل کرایا گیا تھا۔ انہیں اسپتال کے آئی سی یو میں رکھا گیا تھا۔
یہ بھی پڑھیں: معروف صنعتکار رتن ٹاٹا کا 86 برس کی عمر میں انتقال
