کل سے اُتر پردیش کے سبھی 75 اضلاع میں کورونا ویکسینیشن کے ڈرائی رن کی شروعات ہو رہی ہے۔ میرٹھ میں بھی ویکسینیشن کے ڈرائی رن کے لیے شہر اور دیہات کے تین تین علاقوں کا انتخاب کر لیا گیا ہے۔ ساتھ ہی 14 جنوری کے بعد صوبے میں شروع ہو رہے ویکسینیشن کے لیے بھی تیاریاں مکمّل کی جا رہی ہیں۔
کورونا ویکسینیشن کی تیاریوں کو لیکر میرٹھ میں بھی محکمہ صحت کی جانب سے تیاریاں اب اپنے آخری مرحلے میں ہیں۔ ساتھ ہی ویکسینیشن کے دوران کسی قسم کی کوئی پریشانی نہیں پیش آئے اس کے لیے میرٹھ میں ویکسین کو محفوظ کرنے کے لیے کولڈ چین تیار کر لی گئی ہے۔
یہ بھی پڑھیں: زائڈس کیڈلا کی کورونا ویکسین کو تیسرے مرحلے کے لیے اجازت
میڈیکل کالج میں قائم کیے گئے ویکسین کولڈ سینٹر میں ساڑھے تین ہزار لیٹر فریز کنٹینر کا انتظام کیا گیا ہے جس میں ویکسین کی ساڑھے سات لاکھ ڈوز کو رکھا جا سکتا ہے۔
میرٹھ میں وکسینیسن کے ڈرائی رن کے لیے محکمہ صحت کی جانب سے کی جا رہی تیاریوں کا مقصد یہی ہے کہ وکسینیسن کے دوران کسی قسم کی کوئی لاپرواہی نہ پیش آئے۔
