میرٹھ: کورونا مریضوں میں اب یلوفنگس کا بھی خطرہ

میرٹھ میں کورونا وبا کے بعد اب بلیک فنگس کا قہر جاری ہے۔اس مرض سے اب تک 15 لوگوں کے ہلاک ہونے کی اطلاع ہے۔ ساتھ ہی بلیک فنگس سے متاثر تقریبا سو زائد افراد ہسپتال میں زیر علاج ہیں۔

کورونا وبا کی دوسری لہر کا قہر ابھی تھمنے کا نام ہی نہیں لے رہا کہ یکہ بعد دیگرے بیماریاں دستک دیتی چلی جا رہی ہیں، اب تک سفید فنگس بیلک فنگس سے متاثرہ مریضوں کے تعلق سے محکمہ صحت پریشان ہے، اب یلو فنگس نے بھی دستک دے دیا ہے۔

ضلع میرٹھ میں کورونا انفیکشن کے قہر کے بعد اب بلیک فنگس نے اپنا اثر دکھانا شروع کر دیا ہے اور اس سے اب تک قریب 15 لوگوں کی موت بھی ہو چکی ہے، جبکہ 100 سے زائد مریضوں کا علاج میڈیکل کالج کے علاوہ دوسرے نجی ہسپتالوں میں کیا جا رہا ہے لیکن ان سب کے باوجود یلو فنگس کی دستک نے میڈیکل کالج کے ڈاکٹروں میں بے چینی پیدا کر دی ہے اور وہ اس فنگس کی صحیح تصدیق کے لیے نمونے باہر بھیجے جا رہے ہیں، تاکہ اس اس فنگس کی صحیح سے پہچان ہو سکے۔

حالانکہ پچھلے کچھ دنوں میں بلیک فنگس کے مریضوں کے کیسز میں کمی ضرور دیکھی گئی ہے۔