ہاتھرس کیس: بہوجن مکتی مورچہ کا احتجاج

ہاتھرس کی بیٹی کو انصاف دلانے کے لئے میرٹھ میں بہوجن مکتی مورچہ کی جانب سے احتجاجی مظاہرہ کیا گیا، جس میں ہاتھرس کیس کی جانچ غیر جانبدارانہ اور منصفانہ طریقے سے کرائے کا مطالبہ کیا گیا ہے۔

میرٹھ میں ہاتھرس کی بیٹی كو انصاف دلانے کے لیے جہاں سیاسی رہنما آگے آ رہے ہیں وہیں ایسے میں بہوجن مکتی مورچہ کے کارکنان نے بھی ہاتھرس کیس کی جانچ کمیٹی بنائے جانے پر کہا کہ اس کمیٹی میں سبھی ذات برادری کے لوگوں کو شامل کیا جائے تاکہ جانچ کمیٹی کسی قسم کا کوئی رد و بدل نہ کر سکے اور متاثرہ بیٹی کو انصاف مل سکے۔

ہاتھرس کی بیٹی کے ساتھ ہوئے اجتماعی جنسی زیادتی کے واقعات دوبارہ کسی مظلوم کے ساتھ نہ پیش آئے، اسی ضمن کے تحت جاری احتجاج بھی اسی مہم کا حصّہ ہے۔