کورونا وائرس کی دوسری لہر نے بھارت کو سب سے زیادہ متاثر کیا ہے جس کی وجہ گذشتہ 6 روز سے تین لاکھ سے بھی زائد کیسز درج کیے گئے ہیں، وبا کی دوسری لہر نے جہاں ہر عام و خاص کو شکار بنایا ہے وہیں اردو ادب کے متعدد مشاہیر ادب کو بھی اپنا شکار بنایا۔
گزشتہ ایک ماہ میں انجم عثمانی، اطہر عظیم، محمد تحسین افتخار، امام صدیقی، مشرف عالم ذوقی اور فرقان سنبھلی اردو ادب کے مشہور و معروف شخصیات کورونا کے شکار ہوکر دنیاء فانی سے رخصت ہو گئے۔
ان تمام مرحومین کو خراج عقیدت پیش کرنے کے لیے آج میرٹھ کے چودھری چرن سنگھ یونیورسٹی کے شعبہ اردو میں آن لائن تعزیتی اجلاس کا انعقاد کیا گیا، جس میں اردو ادب کی ممتاز شخصیات نے آن لائن تعزیتی پروگرام میں شرکت کرکے مرحوم ادباء، شعراء اور مصنفین کے اردو ادب کی خدمات کو یاد کر تے ہو ئے کہا کہ مرحومین ادیب و شعراء کی خدمات کو رہتی دنیا تک ان کی تخلیقات کے ذریعے یاد کیا جاتا رہیگا
کورونا کے شکار اردو ادباء و شعراء کے انتقال پر جہاں انہیں خراج عقیدت پیش کی گئی وہیں اس مہلک بیماری سے نجات کے لیے دعا بھی کی گئی۔
