مندر میں نمبر پلیٹ لگانے سے حادثات نہیں ہوتے؟

کچھ عقیدت مندوں کے مطابق گاڑیوں کے نمبر پلیٹس مندر میں نذر کرنے سے حادثات سے بچا جا سکتا ہے۔

عام طور پر یہ کہا جاتا ہیکہ ٹرافک قوانین پر عمل کرتے ہوئے اور تیز رفتاری سے پرہیز کرتے ہوئے حادثات پر قابوپایا جاسکتا ہے۔ مگر ریاست ہماچل پردیش میں ایک ایسا عقیدہ دیکھا گیا ہے جو انوکھا ہے۔
ہماچل پردیش کے منڈی ضلع کے رہنے والے کچھ افراد کا یہ عقیدہ اور یقین ہیکہ وہ چاہے تیز رفتار گاڑی چلائیں یا پھر قوانین کی خلاف ورزی کریں وہ حادثے کا شکار نہیں ہوسکتے۔
ان کے مطابق منڈی ضلع سے 25 کلو میٹر دور پر واقع ،ونشیرا مندر، کے درخت کو اگر گاڑی کا نمبر پلیٹ لگایا جائے تو کسی بھی حادثے سے وہ بچ جائیں گے۔ اس ضمن میں عقیدت مندوں کا یہ بھی کہنا ہیکہ کم ازکم گاڑی کا کوئی ناکارہ پرزہ یہاں شناخت کے طور پر رکھ دینا چاہئے، جس سے ونشیرا سوامی اس گاڑی کی حفاظت کریں گے۔
اس سلسلے میں مخلتف افراد کا کہنا ہیکہ یہ توہم پرستی پر مبنی عقیدہ ہے اور اس سے متعلق شعور بیداری کی ضرورت ہے۔