اسمبلی انتخاب کے پیش نظر بہار کے کشن گنج ضلع میں سیاسی سرگرمیاں تیز ہو گئی ہیں۔ مجلس اتحاد المسلمین کی پہلی فہرست جاری ہونے کے بعد چہ می گوئیاں اور زیادہ بڑھ گئی ہیں۔ پہلی لسٹ میں کشن گنج کا ذکر نہیں ہے اس کے باوجود قیاس لگایا جا رہا ہے پارٹی یہاں سبھی سیٹوں پر اپنا امیدوار اتارے گی۔
گزشتہ پارلیمانی انتخاب میں مجلس کی طرفداری کرنے والے کانگریس کے قدآور رہنما صادق سمدانی کے صاحبزادے شبو سمدانی نے صاف کردیا ہے کہ اس انتخاب میں وہ مجلس اتحاد المسلمین کی حمایت نہیں کریں گے بلکہ خود انتخاب میں حصہ لیں گے۔
شبو سمدانی نے واضح کیا ہے کہ گزشتہ پارلیمانی انتخاب میں وہ ذاتی طور پر مجلس کی حمایت کر رہے تھے۔ اس سے ان کے والد کا کوئی تعلق نہیں تھا۔ وہ تب بھی کانگریس کے ہی چناوی تشہیر میں شامل تھے۔ گفتگو کے دوران شبو سمدانی نے کورنٹائن سنٹر میں رہ رہے مائگرینٹ مزدوروں کے موجودہ حالات پر بھی افسوس ظاہر کیا۔ انہوں نے سرکار کی ناکامیاں گنائیں اور مزدوروں کو بنیادی سہولیات مہیا کرانے کا مطالبہ بھی کیا۔
