یو پی شیعہ وقف بورڈ کے سابق چیئرمین وسیم رضوی نے قرآن پاک کی 26 آیتوں کے تعلق سے سپریم کورٹ میں عرضی داخل کرکے یہ مطالبہ کیا تھا کہ ان آیات کو قرآن کریم سے منسوخ کرادیا جائے، کیونکہ ان آیات کو آپ ﷺ کی وفات کے بعد شامل کیا گیا ہے۔ سپریم کورٹ نے رضوی کی عرضی کو خارج کرتے ہوئے 50 ہزار روپے ان پر جرمانہ بھی عائد کردیا ہے۔'
'اب ہم سپریم کورٹ میں 'ریویو پیٹیشن' داخل کریں گے' اس تعلق سے سابق شیعہ وقف بورڈ کے چئیرمین وسیم رضوی نے بیان جاری کرتے ہوئے کہا کہ' وکلا سے بات چیت کے بعد یہ طے پایا ہے کہ اب قرآن کریم کی ان 26 آیات کی منسوخی کے لئے اب سپریم کورٹ میں'ریویو پیٹیشن' داخل کریں گے۔ انہوں نے کہا کہ' اس معاملے میں ہم بین الاقوامی عدالت کا بھی رخ کریں گے'۔وسیم رضوی نے کہا کہ' اسلامی دہشت گردی سے بھارت ہی نہیں بلکہ پوری دنیا پریشان ہے لہذا ہم اس معاملے میں پیچھے ہٹنے والے نہیں ہیں۔ اس لڑائی کو ہم آگے تک لے جائں گے'۔قابل ذکر ہے کہ اتر پردیش شیعہ سینٹرل وقف بورڈ کے سابق چیئرمین وسیم رضوی نے قرآن کریم سے 26 آیات کو منسوخ کرنے کے لیے سپریم کورٹ میں درخواست دی تھی، جس کے بعد لکھنؤ سمیت ملک کے ہر علاقے میں احتجاج بھی کیا گیا۔ دارالحکومت لکھنؤ آل انڈیا شیعہ پرسنل لا بورڈ کی ہنگامی اجلاس میں"وسیم رضوی کے بیان کی سخت الفاظ میں مذمت کرتے ہوئے، اسے اسلام سے خارج کہا گیا تھا۔'
