دارالحکومت لکھنؤ سمیت ریاست کے مختلف اضلاع میں صبح سے ہی بارش کی بوندوں اور ورکنگ ڈے ہونے کی وجہ سے لگے جام سے ہزاروں امیدواروں کے امتحان مراکز پر پہنچنے میں جانوں پر بن آئی تو سینکڑوں کے امتحان چھوٹ گئے۔
پرائمری سطح کا امتحان صبح 10 سے 12:30 بجے تک 1986 مراکز پر اور اپر پرائمری سطح کا امتحان دوپہر 2:30 سے 5:00 بجے تک 1063 مراکز پر منعقد ہوا۔
دوران امتحان ایس ٹی ایف نے پریاگ راج میں بڑی کامیابی حاصل کی، ایس ٹی ایف نے پیپر لیک کرانے والے ہائی ٹیک گروہ کا پردہ فاش کرتے ہوئے سات ملزمین کو گرفتار کیا۔
آگرہ اور علی گڑھ میں امتحان کے دوران ایک-ایک مشتبہ افراد کو گرفتار کیا گیا، ایس ٹی ایف نے غازی پور کے چھاونی لائن واقع بدھم شرن انٹرکالج میں امتحان کے دوران نقل کرانے کے الزام میں پرنسپل سمیت چار افرد کو گرفتار کیا ہے، پرنسپل پارس سنگھ پر الزام ہے کہ وہ امیدواروں کے پرچے حل کررہے تھے۔
اس سےقبل کئی اضلاع میں منگل کی شام سے ہی ہورہی رک-رک کر بارش کی وجہ سے امیدواروں کو امتحانی مراکز تک بھیگھتے ہوئے پہچنا پڑا، تو وہیں متعدد امتحانی مراکز سے سینکڑوں امیدواروں کے پاس فوٹو شناختی کارڈ نہ ہونے کی وجہ سے انہیں امتحان میں شرکت کی اجازت نہیں دی گئی، ساتھ ہی کئی اضلاع میں امیدواروں کاامتحانی مراکز تک پہنچنے میں کافی دقتوں کا سامنا کرنا پڑا۔
