ریاست اترپردیش کےضلع بہرائچ کے مختلف مقامات سے آٹھ افراد کو کورونا وائرس سے متاثر پایا گیا ہے۔
بہرائچ چیف میڈیکل سپرنٹنڈنٹ ڈی کے سنگھ نے بتایا کہ بہرائچ میں الگ الگ علاقوں کے آٹھ افراد کی رپورٹ مثبت آئی ہے۔
انہوں نے کہا کہ رپورٹ آنے کے بعد دیر رات تک میٹنگ کا دور چلا، اس کے بعد ضلع چیف میڈیکل سپرنٹنڈنٹ نے اس خبر کی تصدیق کی۔
خبر پھیلتے ہی ضلع میں افراتفری و بے چینی کا ماحول پیدا ہو گیا لوگوں میں کورونا کو لےکر ایک خوف پیدا ہو گیا ہے، ان آٹھ مریضوں میں سے چھ مریضوں کو ضلع اسپتال کے آئسولیشن وارڈ میں رکھا گیا ہے۔ جبکہ ایک کو شیلٹر ہوم اور ایک کو گھر پر ہی آئسولیٹ کیا گیا ہے۔
آپ کو بتا دیں کہ نانپارہ بہرائچ کی عوام کو اب تک اس بات کا اطمینان تھا کہ یہاں کوئی بھی کورونا وائرس سے متاثر نہیں ہے اس لئے آنے والے وقت میں لاک ڈاؤن سے انہیں راحت مل سکتی ہے، لیکن اچانک ضلع کے ایک دو نہیں بلکہ آٹھ مریضوں کہ ایک ساتھ کورونا وائرس سے متاثر پائے جانے پر ان سب کی امیدوں پر پانی پھرگیاہے۔
