استغاثہ کے بموجب 2010 میں تھانہ اودے پور علاقے کے موضع رتیہ پور کٹریہ میں پنچایت انتخاب کے دوران گاؤں کے مدعی نریندر پرساد پانڈے و ان کے بھائی سریندر پانڈے بی ڈی سی کا انتخاب لڑ رہے تھے، جس میں ان کے حریف نیرج پرتاپ سنگھ کامیاب ہوئے تھے۔
جیت کے بعد 31 اکتوبر 2010 کی شام پانچ بجے فتح کا جلوس نکالا گیا۔ نیرج پرتاپ سنگھ بندوق و ان کے والد جنگ بہادر سنگھ مع ایک درجن لوگوں کے ساتھ لاٹھی ڈنڈہ لیے ہوئے تھے، نریندر پانڈے کے ذریعہ دروازہ پر آتش بازی کرنے سے منع کرنے پر نوین پرتاپ نے دھرمیندر پانڈے (30) کو گولی مار دی تھی۔
نریندر پانڈے نے ٹیچر نوین پرتاپ سنگھ و اس کے والد جنگ بہادر سمیت نو ملزمان کے خلاف پولیس میں کیس درج کرایا تھا۔
عدالت نے وکلاء کے استدلال سننے کے بعد ٹیچر نوین پرتاپ سنگھ و اس کے والد جنگ بہادر سمیت دونوں ملزمان کو عمر قید و 50-50 ہزار روپیہ جرمانہ کی سزا سنائی ہے، بقیہ افراد کو بری کر دیا گیا ہے۔
