اترپردیش کے ضلع بہرائچ۔لکھیم پور کھیری شاہراہ پر ایک سڑک حادثے میں دو لوگوں کی موت ہوگئی جبکہ دیگر 4 افراد شدید طور سے زخمی ہو گئے ہیں۔
زخمیوں کو علاج کے لئے بہرائچ میڈیکل کالج میں داخل کرایا گیا ہے۔ پولیس نے آج یہاں بتایا کہ کل دیر رات مٹیرا علاقے کے گرام پرہلدا کے نزدیک بہرائچ سے نانپارہ جارہی الٹو کار کی ایک ٹرکٹر ٹرالی کو اوور ٹیک کرنے کی کوشش میں بہرائچ کی جانب سے آرہی بولیرو سے آمنے سامنے سے ٹکر ہوگئی۔
اس حادثے میں کار سوار حنا شیخ اور رحیم کی موت ہوگئی جبکہ دیگر 4 افراد شدید طور سے زخمی ہوگئے ہیں جنہیں میڈیکل کالج میں داخل کرایا گیا ہے۔
زخمیوں میں تین کی حالت نازک ہے۔ لاش کو پوسٹ مارٹم کے لئے بھیج دیا گیا ہے۔
