اناو علاقے کے تھانہ بہار میں ریپ متاثرہ کو زندہ جلانے کے واقعے پر ایس پی نے بڑی کارروائی کی ہے۔ کارروائی کرتے ہوئے انہوں نے بیٹ کے دونوں داروغہ اور چاروں سپاہی سمیت پولیس انسپکٹر اجے ترپاٹھی کو معطل کر دیا ہے۔
معطل کیے جانے والوں میں پولیس انسپکٹر اجے تریپاٹھی کے ساتھ دروغہ اروند سنگھ رگھوونشی اور شری رام تیواری، فوجی عبدل، پنکج یادو، منوج اور سندیپ کمار شامل ہیں۔
واضح رہے کہ جنسی زیادتی کا شکار لڑکی کا علاج دہلی کے صفدرجنگ اسپتال میں چل رہا تھا۔ جہاں علاج کے دوران اس کی موت ہوگئی۔ جس کے بعد ہفتہ کے روز اس کی لاش آبائی گاؤں لائی گئی۔
