ریاست اتر پردیش کے بارہ بنکی میں ملک کے سابق وزیراعظم آنجہانی راجیو گاندھی کی سالگرہ کے موقع پر کانگریس کارکنان نے انہیں خراج عقیدت پیش کی۔ اس موقع پر کانگریس پارٹی کارکنان نے عہد کیا کہ وہ راجیو گاندھی کے کاموں کو عوام تک پہنچائیں گے اور ملک کا نام روشن کریں گے۔
بارہ بنکی میں کانگریس پارٹی کے ضلع دفتر پر راجیو گاندھی کو خراج عقیدت پیش کرنے کے لئے خصوسی میٹنگ کا انعقاد کیاگیا۔ اس موقع پر وہاں موجود تمام عہدے داران نے راجیو گاندھی کے ذریعے کرائے گئے کاموں کو یاد کیا۔
مزید پڑھیں:
یوم پیدائش پر راجیو گاندھی کو خراج عقیدت
کانگریس کارکنان نے راجیو گاندھی کی تصویر پر گل پوشی کر کے انہیں خراج عقیدت پیش کی۔ اس کے بعد ضلع صدر محمد محسن نے کہا کہ' بی جے پی راجیو گاندھی کے خلاف پروپیگنڈہ کر کے عوام کو یہ بتانا چاہتی ہے کانگریس اور گاندھی کنبے نے کچھ نہیں کیا، لیکن حقیقت یہ ہے ملک کے تمام بڑے کام کانگریس کےدوران اقتدار ہی مکمل ہوئے ہیں'۔ انہوں نے کہا کہ' ہم ان کی سالگرہ پر یہ عہد کرتے ہیں کہ ہم ان کے کاموں کو عوام تک پہنچانے کا کام کریں گے۔
