بارہ بنکی: ملاوٹ کی جانچ کے لئے وین روانہ

فوڈ اینڈ ڈرگس افسر پرینکا سنگھ نے بتایا کہ یہ وین دور روز ضلع میں مختلف علاقوں میں کھانے پینے کی اشیاء میں ملاوٹ کی جانچ کرے گی۔

ریاست اتر پردیش کے بارہ بنکی میں بدھ کو محکمہ فوڈ اینڈ ڈرگ ایڈمنسٹریشن کی جانب سے فوڈ سکیورٹی ان وہیلس کو ضلع مجسٹریٹ ڈاکٹر آدرش سنگھ نے ہری جھنڈی دکھا کر روانہ کیا۔ یہ وین ضلع کے مختلف علاقوں میں کھانے پینے والی عشیہ میں ہونے والی ملاوٹ کی جانچ کرے گی۔ عام عوام بھی اس وین پر کھانے پینے والی اشیاء میں ملاوٹ جانچ کرا سکے گا۔

واضح ہو کہ ضلع مجسٹریٹ ڈاکٹر آدرش سنگھ نے کلکٹریٹ میں اپنے دفتر کے باہر سے اس وین کو روانہ کیا۔ اس سے قبل انہوں نے وین کے اندر بنی لیبورٹری کا معائینہ کیا اور کچھ نعمونوں کی جانچ کا طریقہ دیکھا۔

اس موقع پر فوڈ اینڈ ڈرگس افسر پرینکا سنگھ نے بتایا کہ یہ وین دور روز ضلع میں مختلف علاقوں میں کھانے پینے کی اشیاء میں ملاوٹ کی جانچ کرے گی۔

انہوں نے بتایا کہ اس کے علاوہ محکمہ مسلسل ملاوٹ روکنے کے لئے کوشاں رہتا ہے۔ اس وین کے ذریعہ عوام اور کاروباریوں کو بیدار کرنے کی کوشش کی جا رہی ہے کہ وہ اچھی اور ملاوٹ سے پاک اشیاء کا استعمال کر سکیں اور انہیں اپنی ذمہداریوں کا احساس کرایا جا سکے۔

انہوں نے بتایا کہ عوام گھریلو نسخوں سے بہ آسانی کھانے پینے کی اشیاء میں ملاوٹ کی جانچ کر سکے اس کے لئے محکمے کی جانب سے ٹریننگ پروگرام بھی چلائے جا رہے ہیں۔