ضلع کے نواب گنج تحصیل میں ضلع مجسٹریٹ کی صدارت میں یوم تحصیل کا اہتمام کیا گیا، تحصیل میں کووڈ-19 سے تحفظ کے تمام انتظامات کئے گئے تھے، لیکن اس کے باوجود فریادیوں کی تعداد کم رہی۔ قبل کے مقابلے صرف 25 فیصدی ہی فریادی آئے۔
کرونا وائرس وبا کے درمیان انتظامیہ کی تمام کارکردگی اب پہلے کے مثل ہوتی جا رہی ہے. ہر ماہ کے پہلے اور تیسرے منگل کو ہونے والا یوم تحصیل تقریبا 7 ماہ بعد منعقد ہوا۔
توم تحصیل میں کووڈ-19 کے پیش نظر تمام انتظامات کئے گئے تھے سماجی فاصلے کے لئے ٹینٹ لگاکر فریادیوں کو بٹھانے کا انتظام کیا گیا تھا۔ اس کے علاوہ ٹوکن کے ذریعے ایک ایک فریادی کا درجہ حرات ناپنے اور سینیٹائیز کرنے کے بعد ہی افسران تک بھیجا گیا۔
مزید پڑھیں:
علی گڑھ میں کورونا کے 194 نئے کیسز
ضلع مجسٹریٹ نے بتایا کہ اس پروگرام سے کسی کی صحت پر اثر نہ پڑے اس کے لئے خاص انتظام کئے گئے ہیں۔ انہوں نے بتایا کہ کورونا وبا سے قبل یوم تحصیل میں 300 کے قریب شکایات آتی تھیں، لیکن ابھی کم فریادی آئے ہیں، دوسری جانب فریادی بھی یوم تحصیل شروع ہونے سے کافی خوش ہیں۔
