کھیت کھدائی کے دوران قدیم چبوترے برآمد

بہرائچ کے ایک گاؤں میں کھیت کی کھدائی میں پرانے زمانے کی اینٹوں کے نکلنے سے علاقے میں ہلچل مچ گئی ہے۔ لوگ ان اینٹوں اور پتھروں کو دیکھنے کے لئے دور دور سے یہاں آرہے ہیں۔

ریاست اترپردیش کے ضلع بہرائچ تھانہ کے رسیا علاقے کی گرام پنچایت کا مزرعہ موہربا گاؤں کے ساکن رمیش کمار اپنے کھیت میں کھدائی کر رہے تھے تبھی کھدائی کے دوران انہیں 02 فٹ موٹا، 08 فٹ لمبا اور 10 فٹ چوڑا ایک چبوترا دکھائی دیا۔

چبوترے کے ارد گرد پرانے زمانے کی لال اینٹیں دکھائی دیں، ان اینٹوں کو دیکھ کر گاؤں والوں میں طرح طرح کی باتیں پھیلنی شروع ہوگئی ہیں۔

معاملے کی اطلاع پاتے ہی رسیا پولیس موقع پر پہنچی اور تحقیق میں مصروف ہو گئی۔ اس کے بعد ضلع انتظامیہ کی جانب سے ایس ڈی ایم بہرائچ نے موقع پر پہنچ کر اس جگہ کی کھدائی کرا کر اس چبوترے کی حقیقت کو جاننے کی کوشش کی۔