پریتم گاؤں پنچایت کرواری مافی کے مجرا قدوئی پوروا میں ہلکی بارش ہو جانے سے بھی گاؤں کی مرکزی سڑک پر پانی بھر جاتا ہے،جس سے لوگوں کا آنا جانا محال ہو جاتا ہے۔ لگاتار پانی بھرے رہنے سے کیچڑ میں مختلف اقسام کے جراثیم پنپتے ہیں، جس کے سبب بیماری بھی لاحق رہتی ہے۔ اس کے علاوہ معصوم بچوں کو اسکول آنے جانے میں کافی دقتوں کا سامنا کرنا پڑتا ہے، جو کبھی ختم ہونے کا نام ہی نہیں لیتی۔
گاؤں کے محمد رئیس نے بتایا کہ سڑک کے دونوں طرف نالی کی تعمیر نہیں ہونے کے سبب گھریلو و بارش کا پانی سڑک پر جمع ہوتا رہتا ہے۔ چونکہ یہ سڑک دو گاؤں کے پنچایت میں لگتی ہے اس لیے دو گاؤں کے پنچایت کے چکر میں اس سڑک کی تعمیر میں کسی کو دلچسپی نہیں ہوتی لیکن اس میں گاؤں والوں کا کیا قصور جو ایسی پریشانی میں سالوں سے مبتلا ہیں۔
اس سلسلے میں جب بلاک آفیسر چتورا سے بات کی گئی تو انہوں نے بتایا کہ جانچ کے بعد سڑک تعمیر کا کام جلد شروع کی جائیگی۔
