پروفیسر موریہ نے پوروانچل یونیورسٹی کے وی سی کا عہدہ سنبھالا

اترپردیش کے ضلع جونپور میں واقع 'ویر بہادر سنگھ پوروانچل یونیورسٹی' کی نئی نامزد وائس چانسلر پروفیسر نرملا ایس موریہ نے نے پیر کو اپنا چارج سنبھال لیا۔پروفیسر نرملا ایس موریہ اعلی تعلیم،اور ریسرچ سنٹر'دکچھن بھارت ہندی پرچار سبھا مدراس' کی رجسٹرار رہی ہیں۔

موجودہ انچارج وائس چانسلر پروفیسر ترلوک ناتھ سنگھ نے نئی نامزد وی سی پروفیسر موریہ کو یونیورسٹی کے دفتر میں وائس چانسلر کا چارج دیا۔ اس دوران یونیورسٹی کے رجسٹرار سجیت کمار جیسوال اور او ایس ڈی ڈاکٹر کے ایس تومر نے چارج سنبھالنے کی کاروائی کو مکمل کروایا۔
یونیورسٹی کے وائس چانسلر کا عہدہ سنبھالنے کے بعد وی سے نے یونیورسٹی کے آڈیٹوریم میں اساتذہ ا ور ملازمین سے خطاب کرتےہوئے کہا کہ یونیورسٹی کی ترقی کے لئے ہم سب ساتھ مل کر کام کریں گے ہماری اولین ترجیح طلبہ ہیں۔ ہم پڑھائی کے ساتھ ساتھ طلبہ کی شخصیت سازی کے لئے بھی کام کریں گے۔