کانگریس جنرل سکریٹری پرینکا گاندھی واڈرا نے جمعرات کو کہا کہ بی جے پی حکومت ریپ کے ملزم کو تحفظ فراہم کررہی ہے۔
انہوں نے کہا کہ اتر پردیش میں ہی اس کی دو تازہ ترین مثال دیکھنے کو ملی ہے جس میں پہلا معاملہ ریاست کے اناؤ شہر کا ہے جہاں ریپ کے ملزم رکن اسمبلی کو بچانے کے لئے بی جے پی حکومت شروع سے کوشش کرتی آرہی ہے۔ اسی طرح کا دوسرا معاملہ ریاست کے شاہ جہاں پور کا سامنے آیا ہے جہاں بی جے پی حکومت اپنے رہنما سوامی چنمیانند کو بچانے کے لیے ہر طرح کی کوششیں کر رہی ہیں۔
پرینکا نے ٹویٹ کیا کہ 'اناؤ ریپ معاملے میں بی جے پی حکومت اور پولیس کی لاپرواہی اور ملزم کو تحفظ دیے جانے کا معاملہ سب کے سامنے ہے۔ اب بی جے پی حکومت اور اترپردیش پولیس شاہجهاں پورمعاملے میں وہی دہرا رہی ہے۔ متاثرہ خوف میں مبتلا ہے لیکن بی جے پی حکومت پتہ نہیں کس چیز کا انتظار کر رہی ہے۔'
