اتر پردیش میں پرتاپگڑھ ضلع میں جہاں روز بروز کورونا متاثرین کی تعداد میں اضافہ ہورہا ہے وہیں ایک کورونا متاثر ضعیفہ کی پیر کی شام دوران علاج ایس آر این پریاگراج میں موت ہوگئی۔ اس طرح ضلع میں ابھی تک کورونا متاثرین مہلوکین کی تعداد دس ہوگئی ہے۔
چیف میڈیکل افسر اے کے شری واستوا نے بتایا کہ تحصیل کنڈہ علاقے کے برئی گاؤں کی ایک ضعیفہ گزشتہ 18 جون کو بیٹے کے ساتھ ممبئی سے گھر آئی تھی۔ جمعرات کو سانس لینے میں تکلیف کے سبب علاج کے لیئے ایس آر این پریاگراج میں داخل کرایا گیا، جہاں جمعہ کو جانچ میں کورونا متاثر ہونے کی تصدیق ہوئی۔ وہیں پیر کو دوران علاج اس کی موت ہوگئی۔
ضلع میں کورونا سے متاثر دس افراد کی ابھی تک موت ہو چکی ہے۔ کل متاثرین کی تعداد 156 ہے، جس میں 110 افراد صحتیاب ہوکر گھر جا چکے ہیں۔ بقیہ کا علاج اسپتال میں چل رہا ہے۔
