مشاعرے میں بارہ بنکی اور اطراف کے اضلاع کے شاعروں نے شرکت کی اور اپنے کلام سے سامعین کو محظوظ کیا۔
بارہ بنکی کے دیوی روڈ واقع گاندھی بھون میں ہوئی اس تقریب میں سب سے پہلے سماجی خدمات کے لیے وکیل دلیپ گپتا اور وکیل ہریش اگنی ہوتری کو اعزاز سے سرفراز کیا گیا۔
اس کے بعد مشاعرہ میں شرکت کرنے والے تمام شعراء کرام کو بھی یادگاری تمغہ دے کر سرفراز کیا گیا۔
اس مشاعرے کی صدارت بھانو پرکاش آثار نے کی۔ جب کہ مہمان خصوصی کے طور پر پنکج سنگھ راہب تشریف لائے تھے۔
وہیں مہمانان اعزازی کے طور پر سنجے مشرا شوق، دلیپ گپتا (ایڈوکیٹ)، ہریش اگنی ہوتری (ایڈوکیٹ)، اور ڈاکٹر اے ایچ عثمانی کو مدعو کیا گیا تھا۔
اس موقع پر شاعر صغیر نوری، ریتا بھاردواج، وکرانت شری واستو، قمر سیتا پوری، قمر عباس، مظہر عباس، ہرشت مشرا، ارشاد بارہ بنکوی، شاہرخ بارہ بنکوی سمیت مختلف شعراء کرام نے اپنے کلام پیش کئے۔
مشاعرے کی نظامت کے فرائض کو صغیر نوری نے انجام دیا۔
