اس بات کی شکایت کرنے کے لیے جب پریشان شخص پولیس اسٹیشن گیا تو وہاں پر کوئی سنوائی نہیں ہوئی بلکہ اسے وہاں سے بھگا دیا گیا۔ جس کے بعد پریشان حال شخص اور اس کے خاندان والوں نے پولیس آفس پہنچ کر ایس پی سے فریاد کی ہے۔
معاملا قاسم پور تھانہ علاقے کا ہے جہاں کے غوس گنج کے رہنے والے میکو لال کا بیٹا ونود چوڑہ بیچنے کا کام کرتا ہے۔ روز کی طرح وہ شام کو چوڑا بیچ کر گھر آرہا تھا راستے میں گاؤں کے انیس اور اس کے ساتھی نے ونود سے شراب کے پیسے مانگے، شراب کے پیسے نہ دینے پر دونوں کے بیچ کہا سنی ہونے لگی، اس کے بعد بدمعاشوں نے ونود کا پیٹ کر پیر توڑ دیا۔ جس کے بعد ونود نے اس بات کی اطلاع پولیس کو دی لیکن علاقائی پولیس میں کوئی کاروائی نہیں کی ہے۔
اس واقعہ کے بعد پریشان حال خاندان والوں نے اے ایس پی کو درخواست دے کر کاروائی کی گہار لگائی ہے۔ اے ایس پی گیاننجے سنگھ نے ملزموں پر مقدمہ درج کر آگے کی کاروائی عمل میں لانے کے حکم دیا ہے۔
