توہم پرستی: نابالغ لڑکی نے زبان کاٹ کر مندر میں پیش کی

اترپردیش کے ضلع باندا میں ایک نابالغ نے اپنی زبان کو کاٹ کر مندر میں پیش کر دیا۔ جس کے بعد نابالغ بے ہوش ہو گئی۔ اطلاع کے بعد نابالغ کو زخمی حالت میں ہسپتال میں داخل کرایا گیا ہے۔

ضلع میں ایک توہم پرستی کا معاملہ سامنے آیا ہے۔ ایک نابالغ جو ضلع کے ایک مندر میں پوجا کے لیے گئی تھی اس نے اپنی زبان کاٹ دی اور اسے مندر میں پیش کیا، جس کے بعد نابالغ بے ہوش ہوگئی۔ اطلاع ملنے پر پولیس اور لڑکی کے لواحقین نے اسے ہسپتال میں داخل کرایا ہے جہاں علاج جاری ہے۔

رشتہ داروں نے بتایا کہ زخمی نابالغ معمول کے مطابق شنکر جی کے مندر میں پوجا کے لیے گئی تھی ، جہاں اس نے بلیڈ سے اپنی زبان کاٹ کر پوجا کے بعد مندر میں پیش کی۔