ریاست اترپردیش کے ضلع امروہہ میں مسلم کمیٹی کے سربراہ نے شہریت ترمیمی قانون کے خلاف امروہہ صدر تحصیل پر زبردست احتجاج کیا۔
شہریت ترمیمی قانون کے خلاف صدر کے نام میمورنڈم
اس موقع پر مسلم کمیٹی کے صدر خورشید انور نے کہا کہ ہم کو ایسا قانون کبھی منظور نہیں ہے جس کے ذریعہ ہند و مسلم میں تفریق کی جاتی ہو۔
انہوں نے کہا کہ اس ملک کے لیے مسلمانوں نے بھی بڑی قربانیاں دی ہیں جن کی قربانیوں کو فراموش نہیں کیا جاسکتا۔
خورشید انور نے بتایا کی ہم نے آج ڈپٹی کلیکٹر کے ذریعے صدر کے نام ایک میمورنڈم بھی بھیجا ہے جس میں مطالبہ کیا گیا ہے کہ ایسے قانون کو منسوخ کیا جائے جس کی وجہ سے اس ملک
کے امن وامان میں خطرہ لاحق ہو۔
انھوں نے مزید کہا کہ طالب علموں پر پولیس کی بربریت قابل مزمت ہے ہم نے اس میمورنڈم میں یہ بھی مطالبہ کیا ہے کہ طلبا کے ساتھ جو کچھ بھی ہوا ہے اسکی سپریم کورٹ کی نگرانی میں جانچ کرائی جائے۔
