اترپردیش مدرسہ بورڈ کے فارم بھرنے کی آخری تاریخ 30 نومبر تھی لیکن اس کی تاریخ بڑھا کر 9 ڈسمبر کردی گئی ہے۔ واضح رہے کہ اس بار صرف آن لائن فارم ہی داخل کیےجاسکتے ہیں۔
ضلع اقلیتی بہبود افسر بالیندو کمار نے ای ٹی وی بھارت سے بات چیت کے دوران بتایا کہ زیادہ سے زیادہ طلباء فارم داخل کر سکے، اسی کو دیکھتے ہوئے تاریخ بڑھائی گئی۔
انہوں نے بتایا کہ امتحان میں نقل روکنے کے لیے سبھی سنٹرز میں سی سی ٹی وی کیمرے لگائے جائیں گے۔ اگر کوئی طالب علم نقل کرتے ہوئے پکڑا گیا تو اسے امتحان سے باہر کر دیا جائے گا۔
افسر نے مزید بتایا کہ اس بار امتحان کے سینٹر انہی مدارس میں ہوں گے جہاں پر تمام سہولت ہو۔ لہذا گورنمنٹ کالج، ای ٹی آئی کو بھی سنٹرز دےسکتےہیں۔
یوپی مدرسہ بورڈ کے رجسٹرار آر پی سنگھ نے بات چیت کے دوران بتایا کہ اس بار امتحان میں خاص تبدیلی کی گئی ہے۔ گزشتہ برس جہاں منشی مولوی کے امتحان میں بارہ پرچے اور عالم کے امتحان میں دس پرچے دینے ہوتے تھے۔
اب اس میں کمی کی گئی ہے، منشی مولوی میں چھ اور عالم میں صرف پانچ پرچے ہی ہوں گے۔
12 فروری سے 28 فروری کے بیچ مدرسہ بورڈ کے امتحانات مکمل کر لیے جائیں گے۔
