ریاست اترپردیش کے دارالحکومت لکھنئو میں بھارت 21 دنوں کے لاک ڈاؤن کی خبر سے لوگ دکانوں پر راشن و دیگر اشیاء ضرورت سے زیادہ خریدنے کے لئے نکل پڑیں، جس وجہ سے شہر میں افراتفری کا ماحول ہوگیا۔
دارالحکومت لکھنؤ کے پولیس کمشنر سجیت پانڈے نے ایک ویڈیو جاری کرکے عوام سے اپیل کی ہے کہ وہ گھروں میں رہ کر ہی محفوظ رہ سکتے ہیں، جب تک بہت زیادہ ضرورت نہ ہو باہر نہ نکلیں۔
انہوں نے کہا کہ ایمرجنسی میں ہی گھر سے باہر نکلیں۔ اگر کوئی پریشانی ہو تو پولیس یا 112 نمبر پر کال کریں پولیس آپ کی مدد کو گھر پر ہی پہنچیں گی۔
سجيت پانڈے نے کہا کہ جو بھی کھانے پینے کی چیزیں ہیں دودھ، پھل، راشن اور دوائیاں پہلے کی طرح موجود ہیں۔ کسی کو گھبرانے کی ضرورت نہیں ہے۔
پولیس کمشنر نے کہا کہ آپ لوگ پولیس اور ضلعی انتظامیہ کا تعاون کریں۔ ڈاکٹرز، پیرامیڈیکل اسٹاف، صفائی ملازمین کو پاس جاری کردیا گیا ہے۔
مزید پڑھیں: دہلی میں 800 لوگوں کو آئیسلیوشن وارڈ میں داخل کرایا گیا
انہوں نے مزیدکہا کہ اگر کسی دکان پر سامان خریدنے جائیں، تو وہاں پر بھی ایک میٹر کی دوری بنا کر ہی کھڑے ہوں۔ شہر میں کسی کو کسی طرح کی پریشانی نہیں ہونے دی جائے گی۔
