لاک ڈاؤن کی وجہ سے دوسری ریاستوں سے آنے والے مزدوروں کی نقل مکانی کا سلسلہ مسلسل جاری ہے۔ پونے سے سات سے زیادہ مزدور 25 دن میں پیدل سفر کر امبیڈکر نگر پہنچے ہیں۔ ان سبھی کا آبائی شہر سدھارتھ نگر ہے۔
پونے سے پیدل آرہے ان مزدوروں کو راستے میں نہ کسی نے روکا نہ ہی ان کی کہیں جانچ ہوئی ہے۔ مہاراشٹرا سے رخصت ہونے کے بعد صرف پریاگراج ضلع میں کچھ سماجی کارکنوں نے انہیں کھانا کھلایا اور پھر تمام مزدور اپنے سفر پر روانہ ہوگئے۔
ان مزدوروں نے بتایا کہ وہ رنگائی (رنگریزی)کا کام پونے میں کرتے تھے جو لاک ڈاؤن کی وجہ سے اب بند ہوگیا ہے۔ ایسی صورتحال میں کھانے پینے کی پریشانی کا سامنا کرنا پڑ رہا تھا۔ اس لئے ہم نے وہاں سے چلنے کا فیصلہ کیا۔
مزدور امت ساہنی نے بتایا کہ راستے میں صرف ہمارے آدھار کارڈ کو ہی دیکھ کر جانے دیا گیا، لیکن کہیں بھی تحقیقات نہیں کی گئی، جبکہ ریاست کا کہنا ہے کہ راستے میں مزدوروں کے کھانے کے لئے انتظامات کئے گئے ہیں اور متعدد مقامات پر جانچ بھی کی جارہی ہے۔
