ریا ست اتر پردیش کے ضلع جونپور کے سماجوادی پارٹی کی ماہانہ نشست کل سنیچر 11 بجے دن الفسٹین گنج میں واقع ضلع دفتر پر منعقد ہوگی جس کی صدارت ضلع صدر لال بہادر یادو کریں گے۔
سماج وادی پارٹی کے ضلع جنرل سکریٹری حسام الدین شاہ نے بتایا کہ 2022 کے اسمبلی انتخابات اور ووٹر لسٹ میں نام شامل کرنے اور بیکار ووٹوں کو کاٹنے جیسے اہم مسائل پر بات چیت کی جائے گی۔ نئی شائع شدہ ووٹر لسٹ سے ضلعی جنرل سکریٹری حسام الدین شاہ کا نام غائب ہے اس طرح کی کئی غلطیاں ووٹر لسٹ میں ہیں جنہیں اپنے اپنے بوتھوں پر ہم سبھی کو وقت رہتے ہی درست کرانا ہوگا۔
مزید پڑھیں:
نوئیڈا: الیکشن کمیشن کی ووٹر لسٹ پر نظر ثانی مہم
مذکورہ ماہانہ نشست میں تمام عوامی نمائندے، رکنِ اسمبلی، سابق رکنِ اسمبلی اور رکنِ پارلیمینٹ ، سابق رکنِ پارلیمینٹ، ضلع یونٹ کے تمام عہدیداران، ضلع پنچایت کے اراکین اور کارپوریٹر کی موجودگی لازمی ہے۔
