الہ آباد ہائی کورٹ کی لکھنؤ بینچ نے راجیہ سبھا کے 10 نو منتخب اراکین کو نوٹس جاری کیا ہے۔ یہ حکم جسٹس جسپریت سنگھ کی بینچ نے وارانسی کے پرکاش بجاج کی جانب سے داخل الیکشن پٹیشن پر پہلی سماعت کے بعد کیا۔
عرضی میں دو نومبر کو آزاد امیدوار کے طور پر منتخب کیے گئے راجیہ سبھا کے 10 نومنتخب اراکین کے انتخاب کو چیلنج کیا گیا ہے۔ عرضی گزار کا کہنا ہے کہ اس نے خود اس انتخابات کے لیے پرچہ داخل کیا تھا، لیکن ان کا پرچہ نامزدگی کو الیکشن آفیسر نے مسترد کر دیا۔ پرچہ نامزدگی مسترد کرنے کی وجہ حلف نامہ میں غلطی بتائی گئی۔
عرضی دہندگان کا کہنا ہے کہ اس کا پرچہ غلط بنیادوں پر مسترد کیا گیا ہے۔ یہ بھی کہا گیا کہ دیگر اراکین پارلیمان کے فارم میں بھی غلطیاں تھیں، لیکن محض اس کے ہی پرچے کو منسوخ کیا گیا۔
یہ بھی پڑھیں: خصوصی رپورٹ: 500 سالہ وراثت کا امین عزیز احمد کوزگر
معاملے کی سماعت کے بعد ہائی کورٹ نے راجیہ سبھا کے تمام نو منتخب اراکین کو نوٹس جاری کیا ہے۔
