پولیس ذرائع نے بتایا کہ فیروزآباد میں ہفتہ کو صبح کے وقت خوفناک سڑک حادثہ پیش آیا۔ انہوں نے بتایا کہ نصیرپور علاقے میں آگرہ۔لکھنؤ ایکسپریو وے پر ایک ٹرک کھڑا تھا۔ اس درمیان آگرہ سے لکھنؤ کی جانب جارہی تیز رفتار کار ٹرک سے ٹکرا گئی۔ اس حادثے میں کار سوار پانچ لوگوں کی موت ہوگئی جبکہ ایک خاتون زخمی ہوگئیں۔
پولیس ذرائع نے بتایا کہ واقعہ کی اطلاع ملتے ہی یو پی ٹرانسپورٹ کے ملازمین اور پولیس موقع پر پہنچ گئی۔ زخمی کو ایمبولنس سے اسپتال میں داخل کرایا گیا ہے۔متوفین کی شناخت رونیش پانڈے، روبی ،لکھش پانڈے اور نندنی پانڈے کے طور پر ہوئی ہے۔پانچ پریاگ راج کے گسرا علاقے کے رہنے والے ہیں۔زخمی خاتون کو اسپتال میں داخل کرایا گیا ہے۔
اطلاع کے مطابق یہ تمام افراد ایک بیمار شخص کو دہلی علاج کے لیے لے گئے تھے۔ سبھی دہلی سے لوٹ کر پریاگ راج جارہے تھے۔
