'پہلا سرجیکل اسٹرائیک ہنومان جی نے کیا'

ریاست اترپردیش کے ضلع بارہ بنکی میں منعقدہ وجے سنکلپ ریلی میں بی جے پی رہنما ستپال مہاراج نے وزیراعظم مودی کی تعریف کرتے ہوئے بھارت کو اسرئیل سے تشبیہ دی۔

خیال رہے کہ ستپال مہاراج ریاست اتراکھنڈ میں وزیر ہیں۔

انہیں بارہ بنکی میں بی جے پی کے وجے سنکلپ ریلی میں بطور مہمان خصوصی مدعو کیا گیا تھا، جہاں انہوں نے کہا کہ ' پہلا سرجیکل اسٹرائیک ہنومان جی نے کیا اور دوسرا وزیر اعظم مودی نے'۔

انہوں نے اپنے خطاب میں مزید کہا کہ ' پہلے اسرائیل اور امریکہ ہی اپنے ملک کے جوانوں کا انتقام لیتے تھے۔ مگر اب مودی جی نے پاکستان پر سرجیکل اسٹرائیک کر کے بھارت کو اسرائیل اور امریکہ جیسے ملک کی صف میں لا کھڑا کیا ہے'۔