اترپردیش میں کشی نگر کے ضلع اسٹیڈیم میں ایتھلیٹکس سمیت 11 طرح کے کھیلوں کے لئے سامان دستیاب ہیں لیکن مارچ سے ہی یہاں کسی کھیل کے لئے کوچ تعینات نہیں ہے۔
کوچوں کی کمی کے سبب اسٹیڈیم میں ٹریننگ لینے آنے والے کھلاڑیوں کو پریشانی ہورہی ہے۔ ڈپٹی اسپورٹس آفیسر کا عہدہ بھی خالی ہے۔ محکمہ کی طرف سے اسپورٹس ڈائرکٹویٹ کو خط لکھ کر کوچ کی مانگ کی گئی ہے لیکن ابھی تک کوئی کارروائی نہیں ہوئی ہے۔
روندر نگر واقع ضلع اسٹیڈیم میں ایتھلیٹکس، ہاکی،کبڈی، تیراکی، فٹ بال، کشتی، بیڈمنٹن، باکسنگ، بالی وال، کبڈی، کھو۔کھو، ٹیبل ٹینس اور ہینڈبال سمیت گیارہ کھیلوں کی تربیت کا انتظام ہے۔
ان کھیلوں سے جڑے 200 سے زائد کھلاڑی اسٹیڈیم میں ہر روز صبح شام پریکٹس کرتے ہیں۔ ان کی صلاحیت میں نکھار لانے کے لئے محکمہ کھیل کی طرف سے تجربہ کار کوچ کی تعیناتی ہوتی رہی ہے لیکن گزشتہ مارچ میں ہی یہاں تعینات سبھی کوچ کا معاہدہ ختم ہوگیا ہے۔
اس کے بعد کھلاڑیوں کو تربیت دینے کے لئے کسی بھی کوچ کی نئی تقرری نہیں ہوئی ہے۔ اس سے کھلاڑیوں کو مشق میں کافی پریشانی ہورہی ہے۔
(یو این آئی)
