لمبے وقفے کے بعد کانگریس کارکنان دیہی علاقوں میں گاؤں والوں کے درمیان دیکھے جا رہے ہیں۔ کانگریس کے ان پروگراموں میں کسانوں کی اچھی خاصی تعداد بھی نظر آ رہی ہے۔
اس سے واضح ہو رہا ہے کہ پرینکا گاندھی اپنے کارکنان میں جوش بھرنے میں کامیاب ہو رہی ہیں۔
کانگریس پارٹی کی 6 فروری کو شروع کی گئی مہم کی زمینی حقیقت جاننے کے لیے ای ٹی وی بھارت نے بارہ بنکی بلاک کے اری گدیہ گاؤں کا دورہ کیا۔ یہاں ریاستی کانگریس کے ترجمان تنج پنیا گاؤں والوں کے ساتھ چوپال کر رہے تھے۔
چوپال میں کسان اور بزرگ کے ساتھ خواتین بھی شامل تھیں۔ تنج پنیا کسانوں کی پریشانیوں کو سن رہے تھے۔ اس کے بعد انہوں نے کانگریس کی جانب سے جاری کیے گئے فارم کو بھروایا۔
تنج پنیا نے بتایا کہ اب تک 30 گاؤں میں چوپال ہو چکی ہے۔ ایک درجن سے زیادہ گاؤں کا دورہ انہوں نے خود کیا ہے۔ انہوں نے بتایا کہ ان کی چوپالوں میں سب بڑا کسانوں کا مسئلہ آوارہ جانور کا نکل کے آرہا ہے اس کے علاوہ کسانوں کی لاگت بھی نہیں نکل رہی ہے۔
