ادارہ شرعیہ فرنگی محل سے مرکزی رویت ہلال کمیٹی فرنگی محل کے صدر قاضی شہر لکھنؤ، مفتی ابوالعرفان میاں فرنگی محلی کی طرف سے اعلان کیا گیا ہے کہ آج 29 ذی الحجہ بتاریخ 20 اگست دن جمعرات کو محرم الحرامم کے چاند کی شرعی تصدیق ہوگئی ہے، لہذا 21 اگست دن جمعہ کو پہلی محرم الحرام ہوگی اور 30 اگست دن اتوار کو یوم عاشورہ ہوگا۔
اس کے علاوہ شیعہ چاند کمیٹی کے صدر مولانا سید سیف عباس نقوی نے اطلاع دی ہے کہ 29 ذی الحجہ کو چاند کی تصدیق کی جاچکی ہے لہٰذا کل 21 اگست 2020 کو یکم محرم الحرام ہے اور 30 اگست کو شہادت حضرت امام حسین (یوم عاشورہ ) ہے۔
