ریاست اتر پردیش کے بارہ بنکی ضلع کے پاٹ مؤ موضع دھرتی پوروا میں بوٹنکل زراعت کے ماہر فرحان امین نے آنکھیں انڈیا فاؤنڈیشن کی مدد سے 65 برس سے زائد افراد کے درمیان کمبل تقسیم کیا۔
یہ تمام کمبل فرحان امین نے اپنے سی ایس آر فنڈ سے تقسیم کئے ہیں۔
کمبل حاصل کرنے والوں میں 125 سالہ پربھو دئی بھی شامل ہیں۔
اس موقع پر فرحان امین نے کہا کہ تمام حیثیت مند افراد کو اپنی جانب سے غریب اور بے سہارا افراد کی مدد ضرور کرنی چاہئے۔
پروگرام کی صدارت کر رہے ریڈ کراس کے ضلع سکریٹری پردیپ سارنگ نے 'آنکھیں فاؤنڈیشن' کی جانب سے دھرتی پوروا کی ہمہ جہت طرقی، معاشی اور تعلیمی بیداری کے لئے گاؤں کو گود لئے جانے کی ستائش کی۔
انھوں نے یقین دہانی کرائی کہ کمبل تقسیم سے شروع ہوئی مہم جلد ہی رنگ لائے گی۔
- مزید پڑھیں: دہلی میں گھنے کہرے کے سبب ٹرین خدمات متاثر
اس کے بعد گاؤں میں طرقی کی لہر دوڑے گی۔
فرحان امین کی کوششوں سے اس گاؤں کے تمام افراد کے چہرے پر خوشی کی لہر دوڑنے لگے گی.
کمبل تقسیم تقریب کو آنکھیں فاؤنڈیشن کے صدر ہری پرساد ورما نے بھی خطاب کیا۔
پروگرام کے آخر میں قومی ترانہ بھی گایا گیا،
