بدایوں: اترپردیش کے قصبہ ککرالہ کے رہنے والے، درگاہ شاہ شرافت کے سجادہ نشین شاہ ثقلین میاں کے چھوٹے بھائی اور شاہ ثقلین اکیڈمی آف انڈیا کے قومی صدر حاجی ممتاز میاں کو سپردخاک کردیا گیا۔
ان کی تدفین بروز جمعہ ان کے آبائی علاقہ ضلع بدایوں کے قصبہ ککرالہ میں صبح 10 بجے ادا کی گئی۔
حاجی ممتاز میاں کی شخصیت سیاسی اور سماجی اعتبار سے فکر مند، غریبوں و عوام کی ہمدرد، امن و انصاف پسند، حق کی آواز کو بلند کرنے کے طور پر ریاست میں جانی جاتی ہے۔
مزید پڑھیں: میرٹھ کے پسماندہ علاقوں میں تعلیمی ادارے مشکل حالات میں
ممتاز میاں نے ہمیشہ حق اور انصاف کے لیے اپنی آواز کو بلند کیا اور آخری سانس تک خدمت خلق کے کاموں کو انجام دیتے رہے۔ قوم کے لئے آپ کے جذبے اور کاموں کو ہمیشہ یاد رکھا جائے گا۔
معلوم ہوکہ 16 ستمبر بروز جمعرات کو ممتاز میاں دوپہر کے وقت بریلی کے درگاہ شاہ شرافت پر اپنے دنیا کو الوداع کہہ گئے۔
