سماج وادی پارٹی کے سینیئر رہنما و رکن پارلیمان اعظم خان کو سیتاپور جیل میں طبیعت خراب ہونے پر لکھنؤ کے میدانتا ہسپتال میں بھرتی کرایا گیا تھا۔
جہاں ان کی حالت پہلے سے بہتر ہو رہی ہے۔ اب انہیں آئی سی یو سے جنرل وارڈ میں منتقل کر دیا گیا ہے۔
واضح رہے کہ میدانتا ہسپتال کے ڈائریکٹر راکیش کپور نے ہیلتھ بلیٹن جاری کرتے ہوئے بتایا تھا کہ "سی ٹی اسکین کے بعد اعظم خان کے پھیپھڑوں میں پوسٹ فائبروسز، کیویٹی اور سینے میں انفیکشن پایا گیا تھا۔ جس کے بعد انہیں 3-4 لیٹر آکسیجن سپورٹ پر رکھا گیا تھا۔ اعظم خان کی کورونا رپورٹ مثبت تھی۔ جس کی وجہ سے ان کی حالت مزید خراب ہو گئی تھی لیکن اب ان کی کورونا رپورٹ نیگیٹیو ہے۔ ڈاکٹر کے مطابق ان کی طبیعت کنٹرول میں ہے۔
میدانتا ہسپتال لکھنؤ کی کریٹیکل کئیر ٹیم کے ڈاکٹروں کی نگرانی میں علاج چل رہا ہے۔اعظم خان کی طبیعت میں اچھا سدھار دیکھنے کو مل رہا ہے۔اب انہیں آئی سی یو سے جنرل وارڈ میں شفٹ کر دیا گیا ہے جبکہ محمد عبداللہ خان کی طبیعت مستحکم بنی ہوئی اور وہ بھی کورونا منفی ہیں۔
