سماجوادی پارٹی کے صدر اور سابق وزیراعلی اتر پردیشاکھیلیش یادو نے وزیراعظم نریندرمودی کے سوریہ نمسکار والے بیان پرطنز کرتے ہوئے کہا کہ'بے روزگار نوجوان کے باپ کے لئے بھی وہ کوئی آسن بتادیتے تو اچھا ہوتا۔
انہوں نے یہ بھی کہا کہ دہلی میں بھارتیہ جنتاپارٹی کی تاریخی ہار ہوگی۔ انہوں نے یہاں نامہ نگاروں سے کہا کہ دہلی کی عوام نے بی جے پی کی نفرت بھری سیاست کو مسترد کردیا ہے۔
انہوں نے کہا کہ' اس بار بھارتیہ جنتا پارٹی دہلی الیکشن میں کھاتا بھی نہیں کھول پائےگی اور عام آدمی پارٹی کے سربراہ اروند کیجریوال کی ایک بار پھردہلی کے وزیراعلی کے طورپر تاج پوشی ہوگی۔
سابق وزیراعلی نے کہا کہ بی جے پی کی الٹی گنتی شروع ہوچکی ہے۔ کئی ریاستوں میں بی جے پی چاروں خانہ چت ہوچکی ہے اور اب دہلی کی باری ہے جہاں ان کی کراری ہار ہوگی۔
مزید پڑھیں: ایناڈو کے ایم ڈی کا مکانات کی تعمیر کا جائزہ
اروند کیجریوال ایک بار پھر سے وزیراعلی بنیں گے۔ اکھلیش یادو نے کہا کہ یہ حکومت صرف نام بدلنے میں ماہر ہے۔
سماجوادی پارٹی کے رہنما اور کارکن عوام کو بی جے پی کی اصلیت سمجھائیں گے۔ عوام کو اچھی ایمبولینس اچھے اسپتال، اچھے اسکول چاہئے، اچھی سہولیات چاہئے،کسانوں کو ان کی پیداوارکی مناسب قیمت ملنی چاہئے جبکہ حکومت عوام کو گمراہ کررہی ہے۔
