اتر پردیش: جموں وکشمیر اسپیشل سیل کا قیام

اتر پردیش کے مئو میں ضلع مجسٹریٹ کی قیادت میں اسپیشل سیل کا قیام عمل میں آیا ہے۔ اس سیل کا مقصد ضلع میں جموں و کشمیر سے تعلق رکھنے والے طلباء کو کسی بھی طرح کی پریشانیوں سے نجات دلانے اور انہیں مدد فراہم کرنے کی غرض سے اس کا قیام عمل میں آیا ہے۔

اترپردیش حکومت کے ذریعہ جاری احکامات کے مد نظر یہ اقدام کیا گیا ہے۔

جموں وکشمیر اسپیشل سیل کے سربراہ ضلع مجسٹریٹ ہوں گے، جبکہ ممبر سکریٹری کی ذمہ داری ضلع اقلیتی فلاح و بہبود افسر کو دی گئی ہے۔

مئو ضلع میں مقیم جموں و کشمیر کے طلباء ودیگر افراد کو در پیش مسائل کے حل کی ذمہ داری اقلیتی افسر کی ہی ہوگی۔