ضلع کے تھانہ کوتوالی تحصیل کی حدود میں واقع ایک گرام سبھا میں ایک 21 سال کی لڑکی کے ساتھ دل دہلانے والا واقعہ سامنے آیا ہے۔
ضلع میں ایک لڑکی اپنا داخلہ کروانے کے لیے ایک ڈگری کالج میں گئی ہوئی تھی جہاں پر اسے کچھ بدمعاشوں نے پہلے اغواء کیا پھر اس کے ساتھ گینگ ریپ کی واردات کو انجام دیا۔
ہلاک شدہ کی ماں کا الزام ہے کہ لڑکی ایک ڈگری کالج میں داخلہ کرانے گئی تھی۔ تبھی اس کے کچھ ساتھی اسے اپنے ساتھ ہی ای رکشا میں بٹھا کر کہیں بازار میں ہی واقع ایک کمرے میں لے گئے جہاں پر اسے انجیکشن لگا کر بے ہوش کیا گیا پھر باری باری اس کے ساتھ ریپ کیا گیا، انہوں نے نہ صرف اس کی کمر توڑ دی بلکہ دونوں پیر بھی توڑ دیے۔
ماں نے الزام عائد کیا کہ ہماری لڑکی کو ای رکشا پر بٹھاکر ان لوگوں نے ہمارے گھر بھیج دیا، جب وہ گھر پہنچی تو وہ بول تک نہیں پا رہی تھی۔ اس کی زبان سے ایک لفظ بھی نہیں نکل رہا تھا۔ کسی طرح اس نے مجھ سے روتے روتے کہا کہ ممی مجھے بچا لیجئے، میں مرنا نہیں چاہتی ہوں۔
اس دوران لڑکی کی حالت بہت زیادہ نازک تھی۔ لڑکی کے اندر اور باہر کے حصوں پر کافی چوٹ پہنچائی گئی تھی جس کی وجہ سے اس کی موت ہوگئی۔
ہلاک شدہ کا پوسٹ مارٹم کر دیا گیا ہے اور اس کی لاش کو اس کے گھر بھیجا جا رہا ہے۔
ضلع کے پولیس افسر ابھی اس واقعہ پر کوئی بھی بیان دینے سے بچ رہے ہیں جبکہ پوسٹ مارٹم کرنے والے ڈاکٹروں سے جب بات کرنے کی کوشش کی گئی تو انہوں نے بھی اس واقعہ پر کچھ بھی بولنے سے انکار کر دیا۔
